Böyük Britaniya kralı III Çarlz krallığın rəsmi ziyafətləri üçün sərt kulinariya qaydaları müəyyən edib və yüksək mətbəxdə adi sayılan üç məhsulun – şokolad, qəhvə və sarımsağın – təqdim edilməsini qadağan edib.

HİT.az xəbər verir ki, "Radar Online" saraydakı mənbələrinə istinadən yazdığına görə, 77 yaşlı kral yeməyə qarşı olduqca seçicidir və onun qadağaları heç bir istisna tanımır. Rəsmi qəbul zamanı aşpazlar menyunu diqqətlə planlaşdırmalı, bu məhsulların onun boşqabına təsadüfən belə gəlməməsinə əmin olmalıdır:

"Çarlzın yeməyə qarşı çox dəqiq antipatiyaları var. O, son dərəcə seçicidir, şokolad, qəhvə və sarımsaq onun üçün tam qadağandır. Bu, kralın birbaşa əmri olub və ona heç kim qarşı çıxa bilməz".

Nəşr qeyd edir ki, kralın tələbləri yalnız menyu ilə məhdudlaşmır. Mənbələrə görə, III Çarlz həmişə öz xüsusi süfrə dəstini daşıyır. Onun yanında mütləq xüsusi dəniz duzu ilə gümüş qab, həmçinin düzgün oturuş üçün xüsusi yastıq olmalıdır. Hər nahar və şam yeməyi kral üçün dəqiq müəyyən edilmiş standartlara uyğun salatla müşayiət olunmalıdır.

Kralın sevimli səhər yeməyi iki-üç dəqiqə bişirilmiş “yumurta-kokot”dur. Yumurtalar soyulur, salat yarpaqlarının altına yerləşdirilir və sarısı göyərti ilə qarışdırılaraq sous kimi istifadə olunur.

Xatırladaq ki, kral ailəsi dəfələrlə Ukraynaya dəstəyini ifadə edib. Son müraciətində III Çarlz Rusiyanın Ukraynaya qarşı savaşında ədalətli və möhkəm sülhün əldə olunmasını ümid etdiyini bildirib.

Samir