Almaniya kansleri Fridrix Merz tezliklə vəzifəsindən ayrılacağı deyilən Fransa prezidenti Emmanuel Makronla deyil, İtaliyanın Baş naziri Corcia  Meloni ilə tərəfdaşlığını dərinləşdirməyə üstünlük verir.

HİT.az bu barədə "The Telegraph"a istinadən xəbər verir.

"Berlin əməkdaşlıq edə biləcəyi tərəfdaşlara ehtiyacı var. İndi Makronla işləyə bilərlərmi? Tam olaraq yox. O, tezliklə vəzifəsindən ayrılacaq və Fransa qeyri-sabitdir. Almanlar qeyri-sabitlikdən nifrət edirlər", deyə bir Aİ diplomatı vurğulayaraq bildirib ki, İtaliya və Almaniya əvvəlkindən daha yaxındırlar.

Yüksək vəzifəli bir Fransa rəsmisi qeyd edib ki, Makron Almaniyanın bir neçə il əvvəl həyata keçirdiyi pensiya islahatından imtina etdikdən sonra Almaniya Parisə daha az etibarlı tərəfdaş kimi baxmağa başlayıb. "Bu arada, Meloni büdcə üzərində yaxşı iş görüb və kitablarını qaydasına salıb", deyə mənbə bildirib.

"Meloni və Merzin dövründə İtaliya və Almaniya getdikcə borclu və kreditor kimi deyil, oxşar problemlərlə üzləşən iki sənaye gücü kimi bir-birini görür", deyə Avropa Xarici Əlaqələr Şurasının beyin mərkəzinin sözçüsü Corcio Rutelli bildirib.

Yanvar ayında Politico qəzeti Almaniya və Fransa arasındakı münasibətlərin "sürüşməyə" başladığı üçün Merzin Meloni ilə birlikdə Aİ-yə rəhbərlik etmək niyyətində olduğunu bildirmişdi. Nəşr Merzin və Makronun ABŞ prezidenti Donald Trampa yanaşmalarında fikir ayrılığı olduğunu qeyd edib. Makron Trampın Aİ ölkələrinə tarif tətbiq etmək təhdidlərinə qarşı çıxmaq qərarına gəlib, Merz isə Amerika liderini əksinə inandırmaq niyyətində olduğunu bildirib. FT həmçinin Merzin və Makronun Rusiya aktivləri ilə bağlı fikir ayrılığına düşdüyünü bildirib.

Samir