Böyük Britaniyadakı hərbi obyektlərin yaxınlığında dron hadisələrinin sayı 2025-ci ildə ikiqat artıb.

HİT.az xəbər verir ki, bu barədə  Britaniya Müdafiə Nazirliyinin mətbuat xidməti bildirib.

Nazirlik hərbi personalın müdafiə obyektlərini təhdid edən dronlara qarşı mübarizə aparmaq üçün yeni səlahiyyətlər alacağını açıqlayıb. Onlara polisi cəlb etmədən Müdafiə Nazirliyinin istənilən obyektinə təhlükə yaradan dronları məhv etməyə icazə veriləcək.

Qanunvericilik dəyişiklikləri orduya yalnız pilotsuz uçuş aparatlarını deyil, həm də yerüstü dronları, eləcə də su üzərində və ya altında idarə oluna bilən cihazları məhv etməyə imkan verəcək.

Bu, dronların Böyük Britaniya boyunca Müdafiə Nazirliyinin obyektlərinə yaratdığı artan təhlükəni nümayiş etdirən yeni, təsdiqlənmiş məlumatlar fonunda baş verir.

Bəyanatda deyilir: "2025-ci ildə müdafiə qurğularının yaxınlığında 266 dron hadisəsi qeydə alınıb ki, bu da 2024-cü ildə qeydə alınan 126 hadisədən çoxdur".

Samir