Amerika Birləşmiş Ştatları Avropa müttəfiqlərinin NATO daxilində ənənəvi müdafiədə liderliyi ələ almasını istəyir və Alyansın ortaq məsuliyyətə əsaslanmalı olduğunu vurğulayır.

HİT.az xəbər verir ki, bu barədə ABŞ müdafiə nazirinin müavini Elbrik Kolbi Brüsseldə Alyans ölkələrinin müdafiə nazirlərinin görüşü başlamazdan əvvəl NATO-nun baş katibi Mark Rutte ilə birlikdə jurnalistlərə verdiyi açıqlamada bildirib.

"2025-ci il yenidən düşünmə ili oldu və Prezident Trampın və Baş katib Mark Ruttenin tarixi liderliyi sayəsində real öhdəliklər gətirdi. Avropa NATO-nun ənənəvi müdafiəsinə rəhbərlik edəcək ki, bu da müəyyən mənada NATO 1.0-a qayıdışdır", deyə Kolbi bildirib.

O qeyd edib ki, 2026-cı ildə ABŞ-ın yaxşı bir mesajı var, yəni birlikdə hərəkət etməyin, praqmatik olmağın və ABŞ Milli Təhlükəsizlik Strategiyası və Milli Müdafiə Strategiyasının əsasını təşkil edən çevik realizmə diqqət yetirməyin, tərəfdaşlıqda işləməyin vaxtıdır.

Kolbi vurğulayıb ki, Alyans asılılığa deyil, tərəfdaşlığa əsaslanmalıdır və NATO-nun yaradılmasının arxasındakı ilkin niyyət bu idi.

Samir