ABŞ energetika naziri Kris Rait Venesuela paytaxtı Karakasda keçirilən mətbuat konfransında bildirib ki, Çin ABŞ-dan Venesuela neftinin bir hissəsini alıb. 

HİT.az xəbər verir ki, nazir Venesuela prezident səlahiyyətlərini icra edən Delsi Rodrigez ilə danışıqlar aparmaq üçün gəlib.

“Çin artıq ABŞ hökuməti tərəfindən satılmış neftin bir hissəsini alıb”, deyə Rait jurnalistlərə bildirib. O, mümkün birgə müəssisələrlə bağlı sualı cavablayarkən qeyd edib ki, Çinlə qanuni işgüzar əsaslarla edilən biznes əməliyyatları ABŞ üçün qəbul ediləndir.

Çin XİN-in rəsmi nümayəndəsi Lin Czyan cümə axşamı keçirilən mətbuat konfransında ABŞ energetika nazirinin açıqlamalarına münasibət bildirərkən qeyd edib ki, ona bu vəziyyət barədə heç nə məlum deyil.

Yanvarın əvvəlində Kris Rait ABŞ-ın Venesuela neft satışını məhdudiyyətsiz müddətə nəzarətə götürməyi planlaşdırdığını və bunun üçün ölkədə saxlanılan ehtiyatların satışına başlayacağını bildirmişdi. Bu gün Ağ Evin mətbuat katibi Kerolin Levitt açıqlayıb ki, Venesueladan ABŞ-a 31 milyon barrel neft göndərilir. O, həmçinin vurğulayıb ki, Latın Amerikası ölkəsini yalnız Vaşinqton tərəfindən təsdiqlənmiş tankerler tərk edə bilər.

ABŞ əməliyyatından əvvəl Çin Venesuela neftinin ən böyük alıcısı olub və əksər idxal özəl şirkətlər tərəfindən həyata keçirilirdi. Yanvarın sonunda “Reuters” mənbələrə istinadla yazmışdı ki, Çin dövlət şirkəti “PetroChina” ABŞ-ın neft ixracına nəzarət etməyə başlamasından sonra treyderlərin Venesuela nefti almaq və onu satmaq imkanını məhdudlaşdırıb. Yanvar ayında Kris Rait “Fox News”a bildirmişdi ki, ABŞ Çin-in Venesuela neft resurslarına çıxışına mane olmayacaq.

Samir