ABŞ hakimiyyətinin 2025-ci ildə Avropa ölkələrinə qarşı hərəkətləri Avropa İttifaqına xəyanət idi.

HİT.az xəbər verir ki, bunu Beynəlxalq Münasibətlər İnstitutunun və Romadakı tədqiqat qrupunun direktoru və Avropa diplomatiyası sabiq rəhbəri Cozep Borrellin keçmiş müşaviri Natali Toççi "The New York Times" (NYT) qəzetinə bildirib.

Onun sözlərinə görə, 2025-ci ildə ABŞ vitse-prezidenti Cey Di Vensin Münhen çıxışı, Ukrayna prezidenti Volodimir Zelenskinin Oval Ofisdəki tənqidi və ABŞ-ın yeni Milli Təhlükəsizlik Strategiyasının dərc olunması Avropa-Amerika münasibətlərinə aydınlıq gətirib.

"Bu üç məqam göstərdi ki, münasibətlərin pozulması, ayrılıq və yadlaşma əslində bir oyun deyil, xəyanət vəziyyətidir", deyə o bildirib.

13 fevralda "New York Times" qəzeti Aİ-nin maliyyə və rəqəmsal suverenliyinə ABŞ-dan təhdid gördüyünü və Avropa liderlərinin hazırda Amerika texnologiya şirkətlərindən, eləcə də Mastercard və Visa kimi ödəniş sistemlərindən asılılıqlarını azaltmaq üçün çalışdıqlarını bildirmişdi.

Fevral ayında "Politico" ABŞ və Aİ arasındakı ittifaqın "ciddi şəkildə zədələndiyini", lakin hələ də məhv edilmədiyini bildirmişdi.

Samir