Böyük Britaniyada baş nazir Kir Starmerin istefası ehtimalı ilə bağlı yayılan söz-söhbətlər fonunda, baş nazir postu üçün kompromis namizəd kimi müdafiə naziri Con Hili nəzərdən keçirilir. 

HİT.az xəbər verir ki, bu barədə “The Telegraph” məlumat yayıb.

Nəşrin mənbələrinə görə, Mühafizəkar Partiya daxilində “üsyançılar” Hilini “vahidlik namizədi” hesab edir və onun Starmera qarşı liderlik uğrunda rəqabət apara biləcəyini düşünür. Müdafiə nazirinə həm partiyanın sağ, həm də sol qanadlarından getdikcə daha çox üzv dəstək verir.

Qəzetin mənbələrindən biri bildirib ki, Hili uzun illər boyu diqqət çəkmədən fəaliyyət göstərib, müdrikdir, nüfuza malikdir və ixtilaf yaratmır.

Leyboristlər hesab edirlər ki, Hilinin baş nazir təyinatı Londondakı beynəlxalq tərəfdaşlar tərəfindən müsbət qarşılanacaq, çünki o, müdafiə naziri kimi beynəlxalq səviyyədə tanınmışdır.

Fevralın 5-də məlum olub ki, ABŞ-dakı sabiq britaniyalı səfir Piter Mandelsone və maliyyəçi Ceffri Epsteinlə bağlı qalmaqal baş nazir Starmerin istefasına gətirib çıxara bilər. Baş nazir aparatının rəhbəri Morgan Maksuini artıq istefa verib. İstefa bəyanatında o, Mandelsonun təyinatını səhv adlandırıb və bu qərara görə məsuliyyəti üzərinə götürüb. Siyasi icmalçı Bet Rigbinin fikrincə, Maksuini bu addımla “baş naziri xilas etməyə” çalışıb.

Samir