ABŞ-ın silah tədarükünü dayandırmasından sonra Ukrayna öz pilotsuz uçuş aparatları və raketlərinin hazırlanması və istifadəsini artırıb. Eyni zamanda, Avropa da fəallaşıb, lakin vəziyyət göründüyü qədər nikbin deyil. 

HİT.az xəbər verir ki, bu barədə “The Wall Street Journal” yazır.

Kiel Dünya İqtisadiyyatı İnstitutunun yeni hesabatına görə, 2025-ci ildə ABŞ-ın Ukraynaya yardımı 99% azalıb. Bununla belə, analitiklərin məlumatına əsasən, son bir ildə Avropa ümumi dəstəyi “kəskin” şəkildə artıraraq Amerika ayırmalarındakı azalmaların əhəmiyyətli hissəsini kompensasiya edib. Xüsusilə, Avropanın hərbi yardımı 2025-ci ildə 2022–2024-cü illərin orta göstəricisi ilə müqayisədə 67% artıb.

Bununla yanaşı, Tramp administrasiyası artıq silahı pulsuz təqdim etməsə də, onu satmağa hazırdır. İnstitutun məlumatına görə, ABŞ istisna olmaqla NATO ölkələri Ukrayna üçün 4,3 milyard dollardan çox dəyərində Amerika silahı alıblar.

Məqalədə bildirilir ki, ötən il Avropanın artan dəstəyinə baxmayaraq, dünyanın bütün tərəfdaşlarından Ukraynaya ayrılan hərbi vəsaitlər 2022-ci illə müqayisədə 4% daha az olub. 2022-ci il isə müharibənin başlanmasından bəri ən aşağı illik göstərici hesab edilirdi. Ukrayna xüsusilə ABŞ-ın yoxluğunu “Patriot” ələkeçirici raketlərinin çatışmazlığı ilə hiss edib. Bu sistemlər Rusiyanın ballistik raketlərinə qarşı əsas müdafiə vasitəsidir.

WSJ qeyd edir ki, Avropa Ukrayna üçün daha çox iş görsə də, Vladimir Putin xərclər qazancı üstələməyənədək müharibəni dayandırmayacaq. Bunun üçün isə hələ də daha çox Amerika silahı və Rusiyanın hərbi maşınının maliyyələşməsini azaltmaq məqsədilə sanksiya təzyiqi tələb olunur.

Samir