ABŞ prezidenti Donald Trampın Rusiya lideri Vladimir Putindən daha çox ukraynalı həmkarı Volodimir Zelenski ilə əlaqəsi var.

HİT.az xəbər verir ki, bu barədə Zelenski BBC-yə verdiyi müsahibədə bildirib. Zelenskinin sözlərinə görə, Trampın xüsusi nümayəndəsi Stiv Uitkoff da faktiki olaraq ruslarla deyil, daha çox Ukrayna tərəfi ilə görüşür.

"Onlar rusları dayandırmalıdır, onlara xoş gəlməyə çalışmamalıdırlar, çünki onlar yenə də yalan danışacaqlar", deyə prezident qeyd edib və əlavə edib ki, aqressorla “sülhçülük” cəhdləri heç bir mənaya malik olmayacaq".

Trampın Zelenskinin “diktator” olması və ya müharibəni özü başlaması barədə iddiaları ilə suala isə Zelenski belə cavab verib: "Mən diktator deyiləm və müharibəni başlamamışam. Sadəcə bu qədər".

Zelenski həmçinin müharibədən doğan şəxsi yorğunluqdan danışıb. O bildirib ki, onun güc mənbəyi şərtsiz ədalətə inamdır, çünki Ukrayna bu mübarizədə tamamilə haqlıdır:

"Mənim hələ enerjim var. Başqa cür ola bilməz. Biz ədalət uğrunda mübarizə aparırıq. Mən inanıram ki, həqiqət bizim tərəfimizdədir və güc də buradan gəlir".

O qeyd edib ki, müharibənin xarakteri “paralel trayektoriyalar” kimidir; burada eyni zamanda bir çox dünya lideri ilə şahmat oynamaq məcburiyyətindəsən. Qələbəyə aparan tək bir düzgün yol yoxdur – uğur bir neçə addımın kombinasiyası ilə gələcək, əsas məqsəd isə Putini dayandırmaqdır.

“O istəmir, amma o demək deyil ki, bu, olmayacaq", deyə Zelenski Putinin müharibəni dayandırmaq istəməməsindən danışarkən bildirib.

Samir