Ukrayna prezidenti Volodimir Zelenski hesab edir ki, Kiyevin müharibəni payıza - bu ilin noyabr ayında ABŞ-da keçiriləcək ara seçkilərə qədər bitirmək şansı var. 

HİT.az xəbər verir ki, o, bunu "SkyNews"a verdiyi müsahibədə bildirib.

Ukraynanın sülhə nə qədər yaxın olduğu soruşulduqda, o, hazırkı anla noyabr ayında ABŞ-da keçiriləcək ara seçkilər arasında "fürsət pəncərəsi" olduğunu cavablandırıb.

"İndi düşünürəm ki, şansımız var... Bu, bu aylardan, payıza qədər müharibəni bitirmək şansımızın olub-olmamasından asılıdır. Seçkilərdən əvvəl ABŞ-da mühüm, nüfuzlu seçkilər. Əgər sülhə nail ola bilsək, deməli, bu fürsət pəncərəmiz var. İndi bu pəncərə açıqdır", deyə o bildirib.

Zelenski həmçinin bildirib ki, ABŞ-ın müharibəni bitirmək imkanı var, lakin bunun üçün Moskvaya daha çox təzyiq göstərmək lazımdır:

"ABŞ özləri haqqında düşündüklərindən də güclüdür. Və mən həqiqətən də belə düşünürəm. Onlar Putinə həqiqətən təzyiq göstərə bilərlər. Onlar bu müharibəni dayandıra bilərlər".

O, Vaşinqtondakı administrasiyanı Rusiya rəhbərliyinin ailələrinə qarşı sanksiyaları sərtləşdirməyə və Ukraynaya daha müasir silahlar verməyə çağıraraq, yalnız artan təzyiqin Moskvanı danışıqlara ciddi yanaşmağa məcbur edəcəyini iddia edib.

Samir