Vaşinqton hələlik İsfahandakı nüvə obyektlərini qorumaq üçün İrana Amerika qoşunlarının göndərilməsini düşünmür.
Hit.az "Report"-a istinadən xəbər verir ki, bu barədə ABŞ Prezidenti Donald Tramp "New York Post" qəzetinə verdiyi müsahibədə bildirib.
"Bu barədə heç bir qərar verməmişik. Biz buna yaxın da deyilik", - deyə o əlavə edib.
Nəşrin qeyd etdiyi kimi, Amerika lideri həmçinin İranın yeni ali rəhbəri Müctəba Xamenei ilə münasibətləri necə qurmağı planlaşdırdığının təfərrüatlarını açıqlamamağı seçib.


