İrlandiyanın qərbində yerləşən mənzərəli Moher qayaları, ziyarətçilərə təqdim olunan gözəl dəniz mənzərələri baxımından dünyanın ən yaxşı yeri hesab olunub. 

HİT.az xəbər verir ki, bu barədə "InsureandGo” məlumat yayıb.

Moher qayaları nəyə görə təsiredicidir:

“Moher qayalarında ilk diqqəti çəkən səsdir. Atlantik okeanı burada sadəcə yumşaq dalğalanmır – qayalara toqquşur, fırlanır və gurultu ilə qopur. Su səthindən təxminən 214 metr (702 fut) yüksəklikdə dayandığınız zaman küləyin gödəkçənizi yellədiyini hiss edirsiniz və qarşınızda sonsuz dəniz üfüqü açılır”, deyə seçimin müəllifi, “InsureandGo” şirkətinin sığorta eksperti Melissa Hatçes qeyd edir.

O əlavə edir ki, bu qayaların yaşı 320 milyondan çoxdur və onları fırtınalar və dalğalar formalaşdırıb:

“Qıraqdakı yürüş yolu boyunca gəzin, və görəcəksiniz ki, mənzərə hər addımda dəyişir. Bir an günəş işığı buludların arasından sızaraq suyu gümüşü rəngə boyayır, növbəti an isə duman qalxır və ətrafdakı hər şey möhtəşəm vəhşi görünür”.

Dünyanın ən gözəl dəniz mənzərələrinə malik altı məkan

Melissa Hatçes tərəfindən hazırlanan siyahıya altı inanılmaz yer daxil edilib:

1. Moher qayaları, İrlandiya
2. Böyük Okean Yolu, Avstraliya
3. Amalfi sahili, İtaliya
4. Maldiv adaları, Cənubi Asiya
5. Santorini adası, Yunanıstan
6. Panq Naq körfəzi, Tayland

Samir