Strateji ABŞ bombardmançıları "B-1B Lancer" və "B-2 Spirit" döyüş tapşırıqları zamanı fərqli imkanlara malikdir. Biri daha çox bomba daşıya bilsə də, digəri yaxşı qorunan yeraltı hədəflərə effektiv zərbə endirə bilən yeganə platformadır.

HİT.az xəbər verir ki, hərbi analitiklərin məlumatına görə, "B-1B Lancer" ABŞ Hərbi Hava Qüvvələrinin daxili döyüş yükü baxımından rekordçusudur. Bombardmançı 34 tona qədər silah daşıya bilir ki, bu da ona bir uçuşda genişmiqyaslı zərbələr endirməyə imkan verir.

Buna qarşı, "B-2 Spirit" təxminən 18 ton bomba daşıya bilir. Bu kiçik yük onun əsas üstünlüyü olan gizlilik texnologiyası ilə bağlıdır ki, bu da təyyarənin hava hücumundan müdafiə sistemlərini aşa bilməsinə imkan yaradır.

Adi bombalarla zərbə zamanı B-1 eyni anda 84 Mk-82 tipli bombanı ata bilər, B-2 isə 80 bombaya qədər istifadə edə bilir. Dəqiq zərbələr üçün B-1 24 ədəd GBU-31 JDAM idarə olunan bombasını daşıya bilər, B-2 isə adətən təxminən 16 bombaya qədər məhdudlaşır.

Eyni zamanda, yalnız "B-2 Spirit" 13 tondan artıq ağırlığa malik super ağır nüfuzedici bomba "GBU-57 Massive Ordnance Penetrator"dən istifadə edə bilir ki, bu da dərin yeraltı bunkerlərin və obyektlərin məhv edilməsi üçün nəzərdə tutulub.

Başqa bir önəmli fərq isə güclü hava müdafiəsi şəraitində əməliyyat aparmaq qabiliyyətidir. "B-1B Lancer" gizlilik texnologiyasına malik deyil və S-300 kimi PUA sistemləri təhdidindən yayınmaq üçün digər təyyarələrin dəstəyi tələb olunur. "B-2 Spirit" isə stels konstruksiyası sayəsində əməliyyatları təkbaşına həyata keçirə bilir.

Samir