"Boeing" şirkəti sərnişin əvəzinə təyyarənin salonunu 20 000 funt (təxminən 9 ton) kartofla doldurub. Bu qeyri-adi yük yüksəkdə simsiz internetin sabitliyini yoxlamaqda mühüm rol oynayıb.

HİT.az xəbər verir ki, bu barədə "Supercarblondie" portalı xəbər yazıb.

Şirkətin mühəndisləri izah ediblər ki, niyə kartof insanlar üçün ideal əvəzedici olub. Məsələ ondadır ki, metal gövdə daxilində Wi-Fi siqnalı həssasdır. İnsan bədəni radio dalğalarını udur və əks etdirir, bu da routerlər üçün maneə yaradır; hətta notbukun cüzi hərəkəti də bağlantı keyfiyyətini dəyişir. Mühəndislərə tam dolu salon lazım idi ki, şəbəkədə zəif nöqtələri tapsınlar.

"İstəyirsiniz ki, notbukunuz oturduğunuz yerdə işləsin, lakin onun mövqeyinə görə siqnal ciddi şəkildə dəyişə bilər", deyə "Boeing" mühəndisi Dennis Lyuis izah edib.

Həqiqi insanları günlərlə hərəkətsiz saxlamaq həm bahalı, həm də çətin olardı. Həll kartof olub: məlum olub ki, adi kartof radio siqnalları ilə demək olar insan bədəni kimi qarşılıqlı təsir göstərir.

Eksperiment rəsmi olaraq SPUDS adlandırılıb – Synthetic Personnel Using Dielectric Substitution (Dieləktrik əvəzləmə ilə sintetik personal). Sınaqlar üçün istismar olunmuş təyyarədən istifadə edildi və hər oturacaq kartof kisələri ilə doldurulub.

Kartoflar günlərlə “oturub”, bu da mühəndislərə dəqiq məlumat toplamağa imkan verib. Komanda dalğaların salon boyunca yayılmasını xəritələşdirə bildi və antenaların optimal mövqelərini tapıb.

Sınaqlar uğurla keçib və kartof “personalı” sayəsində bədənin avadanlıqlarının yerləşdirilməsi dəyişdirilib. SPUDS layihəsinin nəticələri dünyanın ən populyar təyyarələrinin internet performansına birbaşa təsir eüdib: Boeing 777, 747-8 və 787 Dreamliner.

Samir