Günəş sisteminin ən sirli və eyni zamanda amansız planeti olan Venera növbəti on il ərzində yenidən Rusiyanın diqqət mərkəzinə daxil olur.
Hit.az xəbər verir ki, sovet dövründən bəri “cəhənnəm şəraitinə” malik bu planetə vasitə endirə bilən yeganə ölkə olan Rusiya, indi bu mirası canlandırma niyyətindədir.
Rusiya dövlət mediasının məlumatına görə, Roskosmos 2036-cı il üçün “Venera-D” adlı genişmiqyaslı bir missiya üzərində işləyir. Bu layihə yalnız səthə enəcək bir vasitə ilə məhdudlaşmır; orbit vasitəsi və planetin atmosferində süzücək nəhəng bir balonu da əhatə edən çoxqatlı kəşfiyyat əməliyyatı olacaq.
Layihənin əsası 2003-cü ilə qədər uzanır. Bir dövrdə NASA ilə birgə missiya olaraq həyata keçirilməsi planlaşdırılan iş, son illərdəki geosiyasi gərginliklər və 2022-ci ildəki Ukrayna işğalı sonrası əməkdaşlıqların dayanması ilə tamamilə Rusiyanın öz imkanları ilə aparılan əməliyyat halına gəlib.
Rusiya Baş nazirinin müavini Denis Manturovun açıqlamalarına görə, Roskosmosun robotik kəşf missiyalarında Ay və Venera xüsusi əhəmiyyətə malikdir. Manturov 1970-ci illərdəki uğurlara işarə edərək, Rusiyanın başqa bir planetə eniş edən ilk ölkə olma ənənəsini davam etdirəcəyini bildirib.
Yeni missiyanın ən maraqlı hədəflərindən biri Venere atmosferində mikroorqanizm səviyyəsində həyat izlərini axtarmaqdır. Son illərdə planetin atmosferində fosfin və ammonyak kimi maddələrin aşkar edilməsi elm dünyasında böyük müzakirələrə səbəb olub. Venera-D, bu müzakirələrə son qoymaq üçün inkişaf etmiş sensorlarını Venus atmosferinə yerləşdirəcək.
Bu çətin missiyada vasitələr təxminən 480 °C-ə çatan yüksək temperatur və Yer səviyyəsindəki təzyiqdən 90 dəfə ağır atmosfer yükünə qarşı dözməli olacaq.
Sovet İttifaqı 22 il ərzində Venera planetinə ondan çox vasitə göndərərək bu sahədə əvəzsiz rekord qırmışdı. İlk cəhdlər olan Venera 1 və 2 səssiz qalsa da, 1970-ci ildə Venera 7 ilə əldə olunan uğur insanlıq tarixində bir ilk idi. Vulkanik qayalarla örtülmüş və sulfat buludları səbəbindən sarıya çalan Venera fotoları bu seriyanın məhsulları olaraq elm tarixində yer aldı. 1983-cü ildə Venera 16 ilə sona çatan bu seriya indi 2036-cı ildə daha texnoloji vasitələrlə geri dönəcək.
Rusiya bu yarışda tək deyil; son illərdə Venera yenidən populyar hədəf olub. Avropa Kosmik Agentliyi (ESA) və NASA VERITAS və DAVINCI layihələrini davam etdirərkən, Hindistan da 2028 civarında öz Venera vasitəsini göndərməyi planlaşdırır. Hətta özəl sektor da bu yarışda iştirak edir; Rocket Lab və MIT “Venus Life Finder” layihəsi ilə həyat axtarışını irəlilətmək istəyir. Lakin Venera səthinə ayaq basmaq və orada yaşamaq hələ də Rusiyanın keçmişdən gələn ən böyük üstünlüyüdür.
Samir
