Fransa yeni müdafiə quruculuğu proqramı çərçivəsində silah inventarını əhəmiyyətli dərəcədə artırmağı planlaşdırır və müharibə iqtisadiyyatı qurmağa hazırlaşır. 

HİT.az xəbər verir k, bu barədə "Politico" hərbi planlaşdırma qanun layihəsinə istinadən məlumat verib.

Sənəddə bildirilir ki, Fransa 2030-cu ilə qədər raket və dron ehtiyatlarını 400%-ə qədər artıra bilər.

"Bu səylər artan sifariş və çatdırılmalarda, eləcə də prioritet istehsal güclərinin birgə maliyyələşdirilməsi yolu ilə sənaye infrastrukturunun uyğunlaşdırılmasında öz əksini tapır. Bunlar "müharibə iqtisadiyyatına" hazırlıq məqsədi ilə həyata keçirilir", deyə qanun layihəsində bildirilir.

"Politico" xəbər verir ki, Paris hazırda mövcud ehtiyatları doldurmaq və zenit raketlərini əvəz etmək üçün milyardlarla avro ayırır. 8 apreldə Fransa hökuməti 2030-cu ilə qədər dron və raketlər üçün 8,5 milyard avro ayıracaq yenilənmiş hərbi planlaşdırma qanununu təqdim etməyi planlaşdırır.

Media xəbərlərinə görə, hərbi planlaşdırma qanunu 2027-ci ildə 63,3 milyard avro, 2028-ci ildə 68,3 milyard avro, 2029-cu ildə 72,8 milyard avro və 2030-cu ildə 76,3 milyard avro müdafiə xərclərini nəzərdə tutur. "Politico" həmçinin yazır ki, "dron və raket hədəfləri ağlasığmazdır". Xüsusilə, Fransa boş dayanan sursatların (məsələn, kamikaze dronları) sayını 400%, Safran-ın AASM Hammer idarə olunan bombalarını 240% və MBDA-nın Aster və Mica raketlərini 30% artırmaq istəyir.

Məqalədə bildirilir ki, ölkə hakimiyyəti yeni bir tank hazırlamağı düşünür. Nəşr qeyd edir ki, Fransa hakimiyyəti flaqman Fransa Leclerc tankını hansı tankın əvəz edə biləcəyini müəyyən etmək üçün araşdırmalara başlayacaq.

Mart ayında Fransa Hərbi Hava Qüvvələrinin rəis müavini Dominik Tardif ölkənin hava qüvvələrini 2028-2029-cu illər arasında baş verə biləcək Rusiya ilə potensial münaqişəyə hazırlamaq lazım olduğunu bildirdi.

Samir