Səhiyyə naziri Jolanta Sobieranska-Qrenda Polşanın Pfizer-in 64 milyon doza COVID-19 peyvəndini qəbul edib utilizasiya etməsi tələb olunduğunu açıqlayıb.

HİT.az xəbər verir ki, bu barədə "TVP World" məlumat verib.

Belçika məhkəməsi Varşavaya təxminən 1,3 milyard avro və faizlə birlikdə 64 milyon doza koronavirus peyvəndini qəbul edib ödəməyi əmr edib. Polşa 2021-ci ildə Avropa Komissiyasının prezidenti Ursula fon der Leyenin təşəbbüsü ilə kollektiv satınalma yolu ilə peyvəndlərin alınması üçün müqavilə imzalayıb. Pfizer çatdırılmamış peyvəndlərin pulunu tələb edir və onları yaxın illərdə Varşavaya köçürəcəyinə söz verib.

Sobieranska-Qrenda bunun üçün 6 milyard zlotinin xərclənəcəyindən dərin məyus olduğunu bildirib. Nazir əlavə edib ki, bu məbləğ xərçəng xəstələri üçün bir illik dərman təchizatına, rezident həkimlər üçün bir illik təlimə, ölkədə kompüter tomoqrafiyası skanerlərinin sayının altı dəfə artırılmasına və ya MRT aparatlarının sayının üç dəfə artırılmasına xərclənə bilərdi.

Polşa Baş naziri Donald Tusk mövcud vəziyyətə görə Mateuş Moravetskinin rəhbərliyindəki əvvəlki hökuməti günahlandırıb.

Noyabr ayında Rumıniya hakimiyyətinin 17 milyon doza müddəti bitmiş koronavirus peyvəndini məhv etmək məcburiyyətində qaldığı bildirilib.

Samir