A-10 Thunderbolt II (Warthog kimi də tanınır) dünyanın ən dözümlü hərbi təyyarələrindən biri hesab olunur. Onun konstruksiyası ciddi zədələr aldıqdan sonra belə bazaya qayıtmağa imkan verir.

HİT.az xəbər verir ki, bu barədə "Wionews" yazır.

Təyyarənin əsas müdafiə elementi təxminən 540 kq ağırlığında titan kokpitdir. Bu 38 mm qalınlığındakı “zirehli kapsul” pilotu zenit atəşindən qorumaq üçün nəzərdə tutulub və döyüş şəraitində birbaşa zərbələrə tab gətirə bilir.

Təyyarədə əlavə ehtiyat sistemlər də mövcuddur:

* iki hidravlik sistem;
* bir mexaniki (əl ilə idarəetmə) sistem.

Hətta hidravlik sistem tam sıradan çıxsa belə, pilot təyyarəni mexaniki şəkildə idarə edib endirə bilir.

A-10-un mühərrikləri gövdədən ayrı və bir-birindən uzaq yerləşdirilib. Bu dizayn sayəsində bir mühərrikin zədələnməsi digərin fəaliyyətinə təsir etmir və təyyarə uçuşu davam etdirə bilir.

Konstruksiya 23 mm-lik mərmi zərbələrinə tab gətirmək üçün hazırlanıb. A-10:

* bir mühərriklə uçmağa davam edə bilir;
* qanad və quyruq hissəsində ciddi zədələrlə belə geri qayıda bilir.

Hərbi praktika zamanı təyyarənin qismən dağılan qanadla belə bazaya endiyi hallar da qeydə alınıb.

Yanacaq çənləri xüsusi qoruyucu köpüklə doldurulur ki:

* alışmanı azaltsın;
* deşikləri “bağlasın”;
* yanacaq sızmasının qarşısını alsın.

Təyyarənin konstruksiyasında yüzdən çox belə texniki həll tətbiq edilib və qanad hissələri sahədə sürətli dəyişdirilə biləcək şəkildə hazırlanıb.

Samir