Koreya Xalq Demokratik Respublikası (KXDR) ənənəvi olaraq dostluq münasibətləri saxladığı İranla əlaqələrini zəiflətməyə cəhd edə bilər. 

HİT.az xəbər verir ki, bu barədə Cənubi Koreya kəşfiyyat qurumu məlumat verib.

Cənubi Koreya parlamentinin deputatı Pak Son Vonun sözlərinə görə, Cənubi Koreyanın Milli Kəşfiyyat Xidməti KXDR-in indiyədək İrana heç bir silah və ya hərbi material tədarük etmədiyini hesab edir.

Eyni zamanda, Şimali Koreyanın Tehranla münasibətlərdə məsafə saxlamağa çalışdığına dair digər əlamətlər də qeydə alınıb. Belə ki, Pxenyan İranın ali lideri ayətullah Əli Xameneinin ölümü ilə bağlı başsağlığı göndərməyib və onun yerinə Muctəba Xameneinin lider təyin olunmasını da təbrik etməyib.

Deputatın fikrincə, bu addımlar ABŞ prezidenti Donald Tramp ilə Çin lideri Si Cinpin arasında may ayında gözlənilən sammit öncəsi “yeni diplomatik manevr imkanları yaratmaq” cəhdi ola bilər.

Digər deputat Li Sonkvon isə bildirib ki, Şimali Koreya Tramp ilə görüş ərəfəsində onun ünvanına birbaşa tənqidlərdən də çəkinir.

Daha əvvəl, fevral ayında Kim Çen In Təkidçi Fəhlə Partiyasının qurultayında “ABŞ ilə münasibətlərin pis olması üçün səbəb yoxdur” bəyanatını verərək Vaşinqtonla münasibətləri yumşaltmağa maraq göstərə biləcəyinə işarə etmişdi.

Milli Kəşfiyyat Xidməti həmçinin qeyd edir ki, Yaxın Şərqdəki münaqişə Şimali Koreya iqtisadiyyatına ciddi təsir göstərib. Bildirilir ki, sənaye materiallarının təchizatında çətinliklər yaranıb, qiymətlər artıb və valyuta məzənnəsi kəskin pisləşib.

Samir