"LUKoil" şirkətinin başçısı Vahid Ələkbərovla əlaqəli qurumlar şirkətin səhmlərini 1,2 milyard rus rubluna alıb.

Bu barədə “Report” Rusiya mətbuatına istinadən xəbər verir.

Məlumata görə, “Sporine Limited” 295 milyon rubla 67,604 minlik səhm alıb.

“Morcell Limited” isə aprelin 22-də 918,5 milyon rubla 200 minlik səhm alıb (4,592 min rubl).

Bundan əvvəl bildirilirdi ki, Vahid Ələkbərov aprelin 21-də "LUKoil"un səhmlərini 300 milyon rubla alıb.

Daha əvvəl “Forbes” jurnalı dünyanın ən zəngin insanlarının illik reytinqini dərc edib. Rusiyalılar arasında top-20-də futbolla əlaqəsi olan bir neçə biznesmen, o cümlədən azərbaycanlı, 1950-ci ilin 1 sentyabrında Bakıda anadan olmuş "LUKoil" şirkətinin başçısı, "Spartak" futbol klubunun şəriki Vahid Ələkbərov da yer alıb.