Faşizm üzərində Qələbənin 75 illik yubileyi münasibətilə Moskvada təşkil olunan hərbi parada qatılan Azərbaycan ordusunun 75 hərbçisindən ibarət dəstənin hərbi marşla tribunaların önündən keçidi başa çatıb.
HİT.Az “Report”a istinadla xəbər verir ki, hərbi paradda 14 minə yaxın hərbçi iştirak edir. Rusiya hərbi qulluqçuları ilə yanaşı, meydanda 13 ölkənin hərbçiləri addımlayır.
İlk olaraq Qızıl meydana Azərbaycan hərbçiləri çıxıblar. Azərbaycan Silahlı Qüvvələrinin 75 nəfərdən ibarət dəstəsi tribunalar önündən keçib.
Paradın aparıcısı xatırladıb ki, Böyük Vətən müharibəsi cəbhələrində 600 mindən çox azərbaycanlı döyüşüb.
Xatırladaq ki, Azərbaycan Respublikasının Müdafiə naziri, general-polkovnik Zakir Həsənov da paradı izləyir.
***
Rusiyada faşizm üzərində qələbənin 75 illiyinə həsr olunmuş Qələbə Paradı başlayıb.
Tədbir Moskvadakı Qırmızı Meydanda keçirilir.
Paradda 13 xarici ölkədən 14 mindən çox hərbçi, 234 ədəd tarixi və müasir quru hərbi texnikası və 75 təyyarə iştirak edir.
Azərbaycanı paradda müdafiə naziri, general-polkovnik Zakir Həsənov təmsil edir.
