Rusiyanın Rostov-Don şəhərinin səmasında “S7” və “Emirates” aviaşirkətlərinə məxsus sərnişin təyyarələri toqquşma təhlükəsi ilə üzləşiblər.

Vesti.ru təyyarələrin qəzadan son anda yan keçməsinin videogörüntüsünü paylaşıb.

“Airbus A320” və “Boeing 777” təyyarələri bir-birinə təhlükəli məsafəyə yaxınlaşıblar.

Uçuş zamanı təyyarələrin arasındakı minimal məsafə 10 min metr olmalıdır, lakin sözügedən hava gəmiləri bir-birinə 7,2 min metrə qədər yaxınlaşıblar, hündürlük fərqləri isə cəmi 150 metr olub.

Xoşbəxtlikdən, qəza baş verməmiş pilotlar təyyarələrin istiqamətini dəyişə biliblər.