“Azərbaycan və Qazaxıstan arasında turizm sahəsində əməkdaşlıq daha fəal inkişaf etdirilməlidir”.

Bunu Qazaxıstan Prezidenti yanında Strateji Araşdırmalar İnstitutunun direktoru Yerkin Tukumov deyib.

Onun sözlərinə görə, Qazaxıstandan Azərbaycana və əksinə mövcud turist axını kifayət qədər deyil və ölkələrin bu sahədəki potensialına uyğun gəlmir.

"Biz turizmin inkişafı üçün yeni imkanlar axtarmalıyıq. Astanadan Bakıya yeni reyslərin açılması və Azərbaycan Prezidenti İlham Əliyevin yaxın zamanda Qazaxıstana baş tutacaq səfəri münasibətlərimizin inkişafına yeni təkan verəcək”, - Y.Tukumov bildirib.