Azərbaycanın sığorta bazarının əsas oyunçularından olan “Bakı Sığorta” ASC məhkəməyə verilib.

Hit.az xəbər verir ki, iddiaçı Nəsibli Təranə Bilal qızı adlı vəıtəndaşdır. İşin mahiyyəti barədə açıq mənbələrdə məlumat yoxdur. O bəllidir ki, birinci instansiya iddianı təmin etməyib. 

Təranə Nəsibli apellyasiya şikayəti verib. Şikayətə Bakı Apellyasiya Məhkəməsinin hakimi Sabirt Bəhrəmzadənin icraatındadır. 

"Bakı Sığorta” ASC 1994-cü ildə "Tural Sığorta” adı ilə yaradılıb. 2007-ci ildə isə rebrendinq edib. Şirkətin nizamnamə kapitalı 8 925 440 manat, Direktorlar Şurasının sədri Quliyev Elçin Saday oğludur.

Şirkətin əsas səhmdarı “Bank Respublika” ASC-dir. Mərkəzi Bankın keçmiş sədri Elman Rüstəmova məxsus olduğu iddia edilən bankın səhmləri 51 faiz təşkil edir. 

Bu baxımdan, “Bakı Sığorta” ASC Elmar Rüstəmova məxsus şirkət kimi tanınır. 

Şirkətin 2006-2021-ci illərdə gənclər və idman naziri olmuş mərhum Azad Rəhimovun qardaşı Murad Rəhimov tərəfindən təsis edildiyi barədə iddialar var. 

Murad Rəhimovun “Bakı Sığorta” ASC-də pay sahibi olması bu iddiaların əsaslı olduğunua şübhələri artırır. 

Mərhum nazirin qardaşı ASC-də 6 faiz paya sahibdir. 

Xatırladaq ki, bundan əvvəl “Bakı Sığorta” ASC Dövlət Sığorta Kommersiya Şirkətini (Azərsığorta) məhkəməyə vermişdi. 

Anar