Bank üzrə ekspert Əkrəm Həsənov Azərbaycandan ABŞ-a və digər xarici ölkələrə köçən şəxslərə ölkə hüdudlarından nə qədər məbləğdə pul çıxarmaq icazəsinin verilməsi ilə bağlı məsələyə aydınlıq gətirib.

Ekspert Pravda.az-a açıqlamasında deyib ki, bir nəfər ölkədən çıxanda nağd şəkildə 10 min dollar çıxara bilər.

“Yaxud həmin şəxs əvvəllər ölkəyə 50 min dollara qədər pul gətirdibsə, onda 50 minə qədər ölkədən çıxara bilər. Bundan yuxarı məbləğlərin xaricə çıxarılması ancaq banklar vasitəsilə köçürməklə mümkündür. Belə ki, xaricə öz hesabına, ailə üzvlərinə, yaxın qohumlarına ayda 10 min köçürə bilər. Başqa cür mümkün deyil”.