Havaların soyuması və payız-qış mövsümünün gəlişi ilə əlaqədar olaraq, istiliyin verilməsi məsələsi də gündəmə gəlir.

Bəs, “Azəristliktəchizat” ASC qışa hazırlıq işlərini tamamlayıbmı?

Qurumdan HİT.az-a bildirilib ki, oktyabr ayına qədər hazırlıq işləri tamamlanacaq:

"Azəristliktəchizat” ASC 2023-2024-cü il payız-qış mövsümünə hazırlıq işlərini davam etdirir. Hazırlıq işlərinin oktyabr ayına qədər başa çatdırılması qarşıya qoyulan əsas vəzifədir. Oktyabra qədər bütün istilik təsərrüfatı avadanlıqlarının tam işlək vəziyyətə gətirilməsi planlaşdırılır".

Həmçinin, açıqlamada bildirilib ki, son günlər havaların temperaturunun aşağı düşməsi ilə əlaqədar olaraq, istilik sistemlərinin vəziyyəti ilə bağlı quruma vətəndaş şikayəti daxil olmayıb.

Aynur Əli