Əmanətlərin Sığortalanması Fondu (ƏSF) ləğv prosesində olan “Dəmirbank” ASC-nin kreditorlarına müraciət edib.
ƏSF-dən HİT.az-a daxil olan müraciətdə deyilir:
“Növbəlikdə sonuncu sırada olan təminatsız kreditorların tələblərinin növbəti ödənişi 5 fevral 2024-cü ildən etibarən başlayacaq. Tələblərin ödənişi nağdsız qaydada həyata keçiriləcək.
Kreditorlardan xahiş olunur ki, tələblərin ödənişi ilə bağlı Əmanətlərin Sığortalanması Fondunun Bakı şəhəri, Babək prospekti 16 ünvanında yerləşən binasına müvafiq sənədlərlə müraciət edərək ödəniş üçün bank rekvizitlərini təqdim etsinlər”.
Əlavə məlumat almaq üçün ünvan və əlaqə nömrələri:
Bakı şəhəri, Babək prospekti 16.
Qaynar xətt: (+994) 941.
