Bakı-Pirşağı-Sumqayıt qatarında kondisioner problemi hökm sürür.

Sərnişinlərdən  kondisioner problemi ilə bağlı  saytımıza şikayət daxil olub.

Pirşağı sakini Hafiz Əhədov Hit.az-a bildirib ki, son günlər qatarda kondisionerldərin işləməsi bərbad hala düşüb:

"Əvvəllər bu qatarın hərəkəti bizi şəhərin tıxaclarından xilas edirdi. Bu gün qatar sərnişinləri özlərini yanan sacın içində qovrulurmuş kimi hiss edirdilər. Xidmət göstərilirsə , bunu sonuna qədər yaxşı etsinlər ki, görülən işə kölgə düşməsin. Bakı kimi isti bir şəhərdə yay günündə kondisionersiz ictimai nəqliyyat cəza tədbiri kimi bir şeydir".

Əslində sərnişin dediklərində tam haqlıdır, əlavə edəcək bir şey yoxdur. Qalır deyilən şikayəti eşidib, onu aradan qaldırmaq.

Murad