Bakıdakı sıxlıq (nəqliyyat, əhali və infrastruktur sıxlığı) şəhərin inkişafında və urbanizasiya prosesində yaranan mürəkkəb problemlərdən biridir. Bu məsələnin həlli üçün bir neçə yanaşma və həll yolu mövcuddur. Lakin bunların effektivliyi, yerinə yetirilməsi üçün lazım olan investisiyalar, zaman və siyasi iradə ilə sıx bağlıdır.

Maraqlıdır, bunun çarəsi varmı?

Bu barədə Hit.az-a nəqliyyat eksperti Sadıq Qasımov deyib ki, avtomobil sayını azaltmaq üçün ictimai nəqliyyatın artırılması və taksi xidmətlərinin tənzimlənməsi vacibdir:

“Bakıdakı sıxlıq əsasən avtomobillərin sayının artması ilə bağlıdır. Yeni yollar, tunellər, körpülər və alternativ yollardan istifadə şəhər daxilindəki sıxlığı azalda bilər. Avtomobil sayını azaltmaq üçün ictimai nəqliyyatın artırılması və taksi xidmətlərinin tənzimlənməsi, həmçinin, xüsusi avtomobil paylaşımı platformalarının dəstəklənməsi faydalı ola bilər. 

Bakı metropoliteni artan əhali sayını nəzərə alaraq genişlənməlidir. Yeni xətt və stansiyalar əlavə edilməsi şəhərin mərkəzinə çatmaq üçün daha çox insanın rahat şəkildə istifadə etməsinə kömək edir. Şəhərin müxtəlif bölgələrində velosiped yollarının artırılması da alternativ nəqliyyat vasitəsi olaraq sıxlığın azalmasına kömək edə bilər. Şəhərdəki nəqliyyat sıxlığını idarə etmək üçün müasir texnologiyalardan istifadə etmək, məsələn, ağıllı işıqlandırma sistemləri, ətraf mühitin analizinə əsaslanan real vaxtda trafik idarəetmə proqramları, sürücüləri daha az sıx olan marşrutlara yönləndirmək üçün faydalıdır”.

Murad