İnformasiya-telekommunikasiya texnologiyaları (İKT) sahəsində fəaliyyət göstərən aparıcı şirkətlərindən biri olan "Kaspian Telekom” MMC büdcəyə vergi borcu ödəyib. 

Hit.az-ın məlumatına görə, 8 oktyabr 2024-cü il tarixinə olan məlumata görə "Kaspian Telekom” MMC-nin vergi borcu 74 min 69 manat 42 qəpik təşkil edib.

Yeni ilin ilk günündə sözügedən vergi borcu bağlanıb. 

"Kaspian Telekom” MMC eyni zamanda "Ailə TV” kabel televiziyası və "Ailə NET” internet provayderi tərəfindən göstərilən xidmətlərə də sahibdir.

Qeyd edək ki, 28 iyul 2005-ci il tarixində dövlət qeydiyyatına alınan şirkətin nizamnamə kapitalı 1020 manat təşkil edir. MMC-nin hüquqi ünvanı "İstiqlaliyyət küçəsi, ev 11, mənzil 17-də yerləşir. "İstiqlaliyyət küçəsi, ev 11” ünvanı eyni zamanda Prezident Aparatının sabiq rəhbəri, AMEA-nın keçmiş prezidenti Ramiz Mehdiyevin qızı Kamilə Əliyevanın və nəvəsi Fidan Əliyevanın qeydiyyatda olduğu ünvandır.

"Kaspian Telekom” MMC-nin qanuni təmsilçisi isə Əliyev Orxan Fikrət oğludur. Orxan Əliyevin Ramiz Mehdiyevin kürəkəni, sabiq millət vəkili İlham Əliyevin qardaşı Fikrət Əliyevin oğlu olduğu bildirilir.  Ramiz Mehdiyev AMEA prezidenti seçildikdən qısa müddət sonra Fikrət Əliyev AMEA İşlər idarəsinin müdir müavini təyin olunub.

Samir