Bu gün səhər xəbərlərdə Salyanda polisin dəhşətli cinayətin üstünü açdığı ilə bağlı məlumat gedib. 

Belə ki, qadın ov tüfəngi ilə həyat yoldaşını qətlə yetirib. Sonra ürəyi soyumayıb, cəsədi hissələrə ayıraraq kanala atıb. 

Bəli, qandonduran hadisədir. İnsan oxuduqca təsəvvürünə gətirə bilmir. 

Qadın niyə ərini doğrayır? Qadını bu həddə çatdıran nədir?

Bu barədə Hit.az-a danışan sosioloq Lalə Qarayeva deyib ki, qadınların ərlərini doğraması kimi şiddətli və çox ağrılı bir vəziyyət, bir çox hallarda psixoloji, emosional və sosial faktorların qarışığı nəticəsində ortaya çıxır:

“Bu gün səhər yayılan xəbəri oxudum, dəhşətdir. Bu cür hadisələr, xüsusən də dözümsüzlüklə, zərərli münasibətlərlə və hətta psixoloji travmalarla bağlıdır. İnsanların belə həddə çatmasına səbəb olan faktorlar müxtəlif ola bilər. Uzun müddət davam edən ev içi zorakılıq (fiziki, emosional və ya psixoloji) qadını zorla və ya qəzəblə reaksiya verməyə məcbur edə bilər. Bu zorakılıq qadının özünə olan inamını itirməsinə, həyatı ilə bağlı ümidsizlik hissinə səbəb ola bilər. Çox vaxt, qadın bu təzyiqləri dözməkdə çətinlik çəkərək, son nəticədə ekstremal bir vəziyyətə, yəni cinayətə (şiddətə) yol açır.

Bəzən qadın özünü qorumaq və ya ərindən gördüyü şiddətə qarşı intiqam almaq məqsədilə belə şiddətli reaksiya verə bilər. Bu, çox vaxt birbaşa qorxudan, təhqirdən və ya alçaldıcı davranışlardan qaynaqlanır. Bir çox hallarda, zorakılıq təcrübəsi və şiddət cəmiyyətdə normallaşdırılıb. Cəmiyyətdə qadının zorla susdurulması, özünə hörmətinin aşağı salınması və ev içindəki şiddətə qarşı məyusluq yaradılması nəticəsində qadın çox zaman öz hisslərini ifadə etməkdə çətinlik çəkir”.

Murad