Dünən Lənkəranda piyadanın ölümü ilə nəticələnən yol-nəqliyyat hadisəsi baş verib.

HİT.az qafqazinfo.az-a istinadən xəbər verir ki, hadisə Lənkəran-Boradigah-Masallı magistralının Lənkəran rayonunun Şağlaser kəndi ərazisində qeydə alınıb.

Belə ki, Lənkəran rayon Xarxatan kənd sakini 1976-cı il təvəllüdlü Xanım Nəsirova avtobusdan düşüb yolu  keçmək istəyərkən "Audi" markalı minik avtomobili tərəfindən vurulub.

X.Nəsirova Lənkəran Rayon Mərkəzi Xəstəxanasına hospitalizasiya olunub.

Daha sonra həkimlərin qərarı ilə Bakıya yola salınan yaralı yolda dünyasını dəyişib.

Faktla bağlı araşdırma aparılır.