İsmayıllı rayonunda oğlu tərəfindən bıçaqlanan kişi xəstəxanada ölüb.

“Qafqazinfo” xəbər verir ki, rayonun Talıstan kəndi ərazisində küçədə xəsarətlər alan 1968-ci il təvəllüdlü Bəhlul Təşkilat oğlu Əzizov ötən gün rayon xəstəxanasında vəfat edib.

Bildirilir ki, hadisə söyüş üstündə olub. Atasının sərxoş halda kənd sakinləri ilə mübahisə etməsindən və onları söyməsindən hiddətlənən 1994-cü il təvəllüdlü Kənan Əzizov ona zərbələr endirib.

Ağır xəsarətlər alan kişinin həyatını xilas etmək mümkün olmayıb.

K.Əzizov polis əməkdaşları tərəfindən saxlanılıb.