İtaliyanın “Atalanta” futbol klubunun gənclərdən ibarət kollektivinin üzvü Villi Brasiano Ta Bi vəfat edib.

Klubun mətbuat xidmətindən verilən məlumata görə, 21 yaşlı yarımmüdafəçi qaraciyər xərçəngindən dünyasını dəyişib.

Məlumatda bildirilib ki, oyunçu xeyli müddət xəstəliklə mübarizə aparıb. Ömrünün son aylarını isə vətəni Fil Dişi Sahilində keçirib.

Klubun “Twitter” səhifəsində futbolçunun ailəsi və yaxınlarına baş sağlığı verilib.  

Qeyd edək ki, Ta Bi “Atalanta”nın heyətində 19 yaşadək futbolçular arasında İtaliya çempionu olub.

Partecipiamo con profonda commozione al dolore dei familiari per la prematura scomparsa di Willy Braciano Ta Bi. Campione d’Italia Primavera nel 2019, ha visto il suo sogno interrompersi troppo presto… Ciao Willy, riposa in pace. pic.twitter.com/YutGf9CwzC

— Atalanta B.C. (@Atalanta_BC) February 23, 2021