"Qalatasaray" Fernando Muslera ilə yeni müqavilə imzalamağa hazırlaşır.
HİT.az xəbər verir ki, bu barədə klubun rəsmi saytı məlumat yayıb.
Məlumata görə, artıq tərəflər arasında 3 illik yeni sözləşmə ilə bağlı razılıq əldə olunub.
35 yaşlı uruqvaylı qapıçı sabah təşkil olunacaq mərasimdə müqaviləyə imza atacaq.
Qeyd edək ki, Fernando Muslera 2011-ci ildən "Qalatasaray"da çıxış edir. O, Superliqa təmsilçisinə İtaliyanın "Latsio" klubundan keçib.
