FİFA DÇ-2022-nin seçmə mərhələsində yarımçıq dayandırılan Braziliya - Argentina matçı ilə bağlı bəyanat yayıb.

Hit.az xəbər verir ki, qurum rəsmi saytı vasitəsiıə baş. verənlərin araşdırılacağını bildirib: 

"DÇ-2022-də seçmə mərhələnin Braziliya-Argentina matçının dayandırılmasından təəssüflənirik. Bu hal milyonlarla azarkeşin dünyanın ən önəmli iki futbol ölkəsinin oyunundan zövq almasına mane oldu. İlk rəsmi hesabatlar FİFA-ya göndərildi. Bu məlumatlar intizam komitəsinin səlahiyyətli şəxsləri tərəfindən təhlil ediləcək və bundan sonra qərar veriləcək".

"Arena Corintians"da keçirilən Braziliya - Argentina matçının ilk dəqiqələrində Braziliyanın Milli Sağlamlıq Nəzarət Təşkilatı İngiltərə klublarından gələn 4 futbolçunu -  Emiliano Martines, Emiliano Buendia, Lo Çelso və Kristian Romeronu deportasiya etmək istəyiblər. Buna səbəb onların karantin qaydalarını pozması göstərilib.

Qaydalara görə, İngiltərədən gələn futbolçular 14 gün karantində qalmalıdır.