İspaniyanın "Real Madrid" klubunun futbolçuları Luka Modriç və Marselo koronavirusa yoluxub.

HİT.az xəbər verir ki, bu haqda Madrid təmsilçisi rəsmi məlumat yayıb.

Verilən məlumata görə, komandanın 36 yaşlı xorvat yarım müdafiəçisi Luka Modriç və 33 yaşlı braziliyalı cinah müdafiəçisi Marselonun COVİD-19 testi pozitiv çıxıb. Futbolçuların növbəti oyunlarda iştirakı haqqında isə məlumat verilməyib.

Xatırladaq ki, kral klubu La Liqada oynadığı 17 matçda 13 qələbə, 3 bərabərlik və 1 məğlubiyyətlə 42 xal toplayaraq zirvədə qərarlaşıb.

Sadiq İsmayılov