Bakının Əhməd Cavad küçəsində yerləşən mini stadiona girişə qadağa qoyulub. 

Fanat.Az-a daxil olan məlumata görə, uşaqların futbol oynaması üçün nəzərdə tutulmuş meydançanı "JEK" işçisi "özəlləşdirib". 

Belə ki, səhər 10:00-dan 20:00-a kimi açıq olması gərəkən meydançanın qapısını qurum nümayəndəsi açarla bağlayıb.

Bu gün ərazidə yaşayan sakinlər ilə "JEK" işçisi arasında mübahisə yaranıb. Həmin şəxsin valideynlərə son sözü belə olub: "Ürəyim nə vaxt istəsə, o zaman açacağam".