"Napoli" klubunun futbolçusu Viktor Osimhen "Milan"a qarşı İtaliya A Seriyasının XXVIII tur oyununu buraxacaq. Hit.az Neapol təmsilçisinin rəsmi saytına istinadən xəbər verir ki, 25 yaşlı hücumçu əzələsindən zədə alıb. Nigeriyalı forvardın vəziyyətinə bir həftədən sonra yenidən baxılacaq. Qeyd edək ki, aprelin 2-də baş tutacaq "Napoli" - "Milan" matçı Bakı vaxtı ilə saat 22:45-də başlayacaq. Cari mövsüm 23 oyunda 21 qola imza atan Osimhen A Seriyasının bombardiridir. Onun klubu ilə müqaviləsi 2025-ci ilin yayında başa çatacaq.