Daha bir dünyaca məşhur futbolçu Azərbaycanda çıxış edə bilər.
HİT.az-ın əldə etdiyi məlumata görə, məşhur braziliyalı Azərbaycan klublarından birinə təklif olunub. Bildirilir ki, Premyer Liqada çıxış edən həmin klub bu keçidə müsbət yanaşır.
Tərəflər maliyyə məsələlərində anlaşa bilsə, gələn ay rəsmi müqavilə imzalanacaq.
Qeyd edək ki, Vagner Lav karyerası ərzində Brazilyanın "Palmeyras", "Flamenqo", "Korintians", Rusiyanın ÇSKA, Çinin "Şandonq Luneng", Türkiyənin "Beşiktaş", "Alanyaspor", Fransanın "Monako", Qazaxıstanın "Kayrat", Danimarkanın "Midilyand" klublarında çıxış edib.
O, ötən ilin yayında Braziliyanın "Sport Refice" klubuna keçib. 37 yaşlı forvard cari mövsümdə 24 oyuna çıxıb, 12 qol vurub və 4 məbsular ötürmə edib.
Vagner Lav 2004-2007-ci illərdə Braziliya millisində 26 oyun keçirib, 8 qol vurub.
Onu da qeyd edək ki, Vagner Lav ÇSKA-da ilk qolunu Çempionlar Liqasınən təsnifat mərhələsinin oyununda "Neftçi"yə vurub.
Samir
