"Çelsi"nin hücumçusu Pyer-Emerik Obameyanq ölkə prezidentinin xahişi ilə Qabon millisinə qayıdacaq. 

Fanat.Az xəbər verir ki, bu barədə “Canal+” məlumat yayıb.

Qabon prezidenti Əli Bonqo Ondimba bu günlərdə Obameyanq və atası ilə görüşüb. Görüşdə o, futbolçudan milliyə qayıtmağı xahiş edib, "Çelsi"nin forvardı da razılaşıb. 

O, iyunun 12-də Konqo Demokratik Respublikası ilə keçiriləcək oyunda iştirak edə bilər.

Obameyanq Qabon millisinin tarixində ən yaxşı bombardiridir. O, yığmada 73 oyun keçirib və 30 qol vurub. Obameyanq beynəlxalq karyerasını 2022-ci ildə başa vurduğunu açıqlamışdı.