"Qarabağ"ın baş məşqçisi Qurban Qurbanovun heyətlə bağlı planları bəllidir.

HİT.az Fanat.Az-a istinadən xəbər verir ki, Ağdam təmsilçisinin çalışdırıcısı bu yay daha geniş heyət formalaşdırmağı məqsədəuyğun sayır.

O, hazırda icarə əsasında "Şamaxı"nın formasını geyinən Nihad Quliyevin də yay toplanışına aparılmasını istəyir. Quliyevin hazırlıq səviyyəsi mütəxəssisi qane edəcəyi halda, gənc yarımmüdafiəçi növbəti mövsüm üçün icarəyə verilməyəcək. Müqavilə ilə ağdamlılara məxsus olan və "Kəpəz"də top qovan Zamiq Əliyevə gəlincə, Qurban bəy onunla bağlı qərarını indilik qətiləşdirməyib. Vəziyyətdən asılı olaraq Zamiq həm "Kəpəz"lə icarə müqaviləsini yeniləyə, həm başqa kluba göndərilə, həm də satıla bilər.

Bundan başqa, "köhlən atlar"ın çalışdırıcısı Ramil Şeydayev iş yerini dəyşəcəyi halda, ən azı 3, komandada qalacağı təqdirdə 2 yeni futbolçu transfer edilməsini planlaşdırır.