"Real Madrid"in baş məşqçisi Karlo Ançelotti 2023/24 mövsümü başa çatdıqdan sonra Madrid klubunu tərk edərək, Braziliya millisini çalışdıracaq. 

HİT.az xəbər verir ki, bu məlumatı Braziliya Futbol Konfederasiyasının prezidenti Ednaldo Rodriges də təsdiqləyib.

"Ançelotti Braziliyanı 2024-cü ildə Amerika Kubokuna aparacaq, müqaviləsi 2026-cı il dünya çempionatının sonuna qədər davam edəcək", deyə Rodriges bildirib.

Ançelotti 2021-ci ildən "Real Madrid"a başçılıq edir. Bu müddət ərzində o, İspaniya çempionatının, ölkə kubokunun və Çempionlar Liqasının qalibi olub. İtaliyalı mütəxəssis 2013-2015-ci illərdə də bu klubda çalışıb.

Ötən mövsüm İspaniya çempionatının turnir cədvəlini ikinci pillədə başa vuran “Real Madrid” Çempionlar Liqasının yarımfinal mərhələsində uduzub.

Samir