Türkiyənin "Fənərbağça" klubunun qapıçısı Altay Bayındırla bağlı sürpriz iddia yayılıb.

HİT.az xəbər verir ki, onun Səudiyyə Ərəbistanına transfer oluna biləcəyi önə sürülüb.

25 yaşlı qapıçıya Səudiyyə Ərəbistanından təklif gəldiyi bildirilir. Onun karyeranı, yoxsa pulu seçəcəyi isə maraqla gözlənilir. Futbolçunun müqaviləsindəki sərbəst qalma məbləğinin 6 milyon avro olması bir çox klubun onunla maraqlanmasına səbəb olur.

Qeyd edək ki, Altay 2019-cu ildə "Ankaragücü"ndən 1,5 milyon avroya "Fənərbağça"ya transfer olub. O, İstanbul klubu ilə meydana çıxdığı 141 matçın 42-sində qapısını toxunulmaz saxlayıb. Onu da əlavə edək ki, Niderlandın "Ayaks" və İngiltərənin "Mançester Yunayted" klubları da gənc futbolçu ilə danışıqlar aparır.

Pərviz