PSJ hələ də fransalı hücumçu Kilian Mbappeni satmağı düşünür və "Real Madrid"dən təklif gözləyir. 

HİT.az xəbər verir ki, bu barədə AS qəzeti məlumat yayıb.

Futbolçunun transfer qiyməti 250 milyon avrodur.

Mbappenin PSJ ilə müqaviləsi 2024-cü ildə başa çatır. Hücumçu ilkin olaraq müqavilədəki bəndə əsasən, müqaviləni 2025-ci ilə qədər uzatmaqdan imtina edib və bu, Paris komandasının rəhbərliyi ilə münaqişəyə səbəb olub.

İyulun 21-də PSJ rəhbərliyi Mbappeni Yaponiyaya mövsümöncəsi turneyə aparmayıb. "L'Equipe"nin məlumatına görə, buna forvardın gələn yay azad agent kimi "Real Madrid"ə keçmək üçün gizli müqavilə imzalaması səbəb olub.

İyulun 24-də "Relovo” xəbər verib ki, Mbappe PSJ-dən Səudiyyə Ərəbistanının "Əl-Hilal” klubuna keçməkdən imtina edib, baxmayaraq ki, klublar transfer barədə razılığa gəliblər. Hücumçu "Real Madrid" ilə apardığı gizli danışıqların cəzası olaraq bütün növbəti mövsümü PSJ-də ehtiyat oyunçular skamyasında keçirməyə razılaşıb. 

Avqustun 13-də tanınmış insayder Fabrizio Romano bildirib ki, Mbappe rəhbərliklə danışıqlardan sonra əsas heyətlə məşqlərə qayıdıb. Mbappe "Loryan"la Fransa çempionatının ilk matçını buraxıb, "Tuluza" ilə oyunda ikinci hissədə meydana daxil olub və qola imza atıb.

Samir