"Real Madrid"in yarımmüdafiəçisi Toni Kroos heç vaxt Səudiyyə Ərəbistanı liqasında oynamayacağını açıqlayıb.

Hit.az bu barədə "Sports Illustrated"ə istinadən xəbər verir.

“Mən öz zirvəsində Səudiyyə Ərəbistanına getməyə qərar verən oyunçuları başa düşə bilmirəm. Onlar Səudiyyə liqasının ambisiyalarından danışırlar, baxmayaraq ki, söhbət böyük maaşlardan gedir. Bu, futbolun yox, pulun xeyrinə seçimdir”, - Kroos bildirib.

2023-cü ilin yayında Səudiyyə Ərəbistanı çempionatının klubları bir sıra iri transferlər həyata keçirib. Yerli çempionatın ilk ulduzu 2023-cü ilin yanvarında “Əl-Nəsr”ə keçən portuqaliyalı Kriştiano Ronaldo olub. Klubla müqaviləyə əsasən, o, ildə 200 milyon avro alır. Portuqaliyalı və ailəsi üçün əlavə bonuslar da var.

Samir