İspaniyalı dünya ulduzu Serxio Ramosun yeni komandası bəlli olub.

HİT.az xəbər verir ki, dünyaca məşhur müdafiəçi gözləntilərin əksinə olaraq, Türkiyənin "Qalatasaray" klubuna transfer olmayıb.

O, İspaniyanın "Sevilya" klubu ilə anlaşıb. 37 yaşlı futbolçunun qısa müddət ərzində tibbi müayinədən keçməsi gözlənilir. Ramos bununla da 18 il sonra "Sevilya" geri qayıdacaq. Onun "Qalatasaray" və Səudiyyə Ərəbistanından gələn yüksək maaş təklifini rədd edərək, daha az maaşa ispan klubuna keçdiyi bildirilir.

Qeyd edək ki, Serxio Ramos "Sevilya" ilə yanaşı, 16 il İspaniyanın "Real Madrid", 2 il isə Fransanın PSJ klubunda çıxış edib.

Pərviz