İspaniyanın "Real Madrid" klubunun yeni transferi Arda Gülərlə bağlı sürpriz gəlişmə yaşanıb.

HİT.az xəbər verir ki, türk futbolçunun adı "Kral klubu"nun Çempionlar Liqası üçün təqdim etdiyi iştirak ərizəsinə salınıb.

Gənc futbolçu uzun müddətdir ki, zədəlidir və onun Çempionlar Liqasında oynayıb-oynamayacağı da müzakirə olunurdu. Arda təlim məşq toplanışında zədələndikdən sonra əməliyyat olundu, amma meydanalara nə zaman qayıdacağı hələ ki, tam olaraq bilinmir. Bu səbəbdən də 18 yaşlı futbolçu "Real Madrid" forması ilə heç bir rəsmi matçda meydana çıxa bilməyib. 

Lakin onun adının Çempionlar Liqasının iştirak ərizəsinə daxil edilməsi sevinclə qarşılanıb. Onun yaxın zamanda komanda ilə məşqlərə başlaması və hazır olması gözlənilir.

Pərviz