İspaniyanın "Atletiko Madrid" klubunun futbolçusu Antuan Qrizmanın karyerasını harada davam etdirəcəyi hələ də müzakirə olunur.

HİT.az xəbər verir ki, dünya ulduzunun Səudiyyə Ərəbistanına transfer olacağı iddia olunur. 

Fransız futbolçu özü də bu barədə açıqlama verərək, Səudiyyə Ərəbistanına "yaşıl işıq" yandırıb:

"Ora getmək məcburiyyətində olanları başa düşürəm. Çünki inanılmaz rəqəmlərdən bəhs edilir. Çox pul qazansaq belə, insanlar ailələrinin, uşaqlarının və nəvələrinin gələcəyini təminat altına almaq istəyirlər. Yəni Səudiyyə Ərəbistanına gedənləri normal qarşılayıram. Məni ora getməyə razı sala bilərlərmi? Mənim ailəm və 3 övladım var. Bu, asan bir qərar olmayacaq". 

Qeyd edək ki, bu yay "Atletiko Madrid"ə transfer olan Qrizmanın müqaviləsi 2026-cı ilə başa çatır. Buna baxmayaraq, onun Səudiyyə Ərəbistanına transfer olunacağı iddiaları səngimir. 

Pərviz