Türkiyə Super Liqasında həftə sonu keçiriləcək "Fənərbağça" - "Trabzonspor" matçı üçün geriyə sayım davam edir.

HİT.az xəbər verir, sözügedən matç prinsipiallığı ilə seçilir.

Xüsusilə, İstanbul klubunun bu mövsüm meydana çıxdığı 19 matçda da qələbə qazanması həmin oyunun əhəmiyyəti daha çox artır. Nəzərə almaq lazımdır ki, iki klub arasında uzun illərdir ciddi rəqabət də yaşanır.

Elə "Trabzonspor"un baş məşqçisi Abdullah Avcı da matçdan öncə iddialı açıqlamalar verib:

"Biz "Trabzonspor"uq və hər matçda qələbə üçün meydana çıxırıq. "Fənərbağça" da yenilməyəcək komanda deyil. Sadəcə olaraq hər zamankından daha çox mübarizə aparmağımız lazımdır. Biz istedadlı futbolçulardan ibarət kollektivik və İstanbuldan qələbə ilə qayıdacağıq".

Qeyd edək ki, Super Liqanın 11-ci turu çərçivəsində keçiriləcək "Fənərbağça" - "Trabzonspor" matçı Bakı vaxtı ilə saat 20:00-da başlayacaq.

Pərviz